Na Theih Ko Lai

Sawmnak catlap bi te

   Thawng i thanh nak

''Boih na lak tik thawng ka thanh ve te awh''

''Thanh tuk ta ngmah kan chimh lo ah ho hen ka chimh te hnga i''

''Kai lawmtuk na bia ka rak hngah peng la''

''Elaw kai lawmtuk ve''

   A thli duhnak

       Ram hi sianginn khaankhat te i ca kan rak cawn tti lio te khan ka rak dawt tuk ka hawittha zong a rak si.Ka dawt nak cu ka thinlung chung ah nikhat hnu nikhat in a rak tthang lian i nungak tlangval kar duhdawt nak ah a cang lan.Ka duhdawt nak cu tuni tiang a sin ah phuan nak caan ttha ka ngei kho rih lo. Ka thinlung i a thuk bik nak ah hmunhma aa lak hi caan tlawm si ti lo.Cu ti cun a thli duhdawt nak tiah min ka rak bunh, nupi ca i hal ding tiang in timh tuah nak ka rak ngei.

        Telephone

''Hello,Thangthang!

''Hmaizarh nithum ni ah boih ka la cang la'' tiah thawng kan van thanh.

''Hello,Ram!

Kaa ngeih taktak a bik in hmuh lo nak caan sau i na mui hmuh lai kaa ngeih tuk.Kaa lawmtuk.Rat khawh ka van i zuam hrim la.''

    16.1.2020

Boih lak hlan ni khat aa duh ah Yangon-Kalay motor in  Kalay cu ka hung phan.

''Hello, Ram. Ka phan cang hih''

''Hello, Thang. Kaa lawmtuk muh. Thaizing cu na caan vialte kei mah ca'h ka pe hram ko muh.''

''Pe tuk ta ngmah ca cun pei ka rat cu.Cawnchung nak (Rehearsal) hna tlam tling ten na tuah cang ko lo maw?''

''Aw si tlam tling dih ko.''

      Boih lak ni

''Ram,Ziah na nu le na pa ta?''

''Thang kei cu . ..(Sau nawn hnu ah khin) . ..ngakttah ka si nak tuan tuk ee.(Lungchung bia hna cu a biang cung mitthli hna nih an hung peh)

''Aww ka ngaithiam mu, Ram.Kei mah palh si.Thawng hal ka dai thlang mi cungah ngeihthiam kan hal. Zeizong te keimah palh si.Tu hnu cun nifa thawng kan i hal lengmang cang la mu.  . . .''

       Mipa pakhat

''Ziah !  A nih khi  (Ka bia dih hlan ah)

''Thang, a min ah  ''Cungcung'' tiah kan auh.Ka Darling si.Sianghlei ruun(University)ah Saya tuan lio mi si.''

''Aww tthatuk. Zoh khenh tu tthatuk mi na rak ngeih cang cu kan lawmhpi tuk Ram.''

      Dawr pakhat ah

''Thang, zei dah ei na duh?''

''Kei cu Khohsuai tauh(noodle) si ko seh muh''

''Aii. . Thang tutiang na duh peng rih tih''

''Aww si. Ka awr hi a lungsau bak ti''

''Si bak tuhnu cun a dang deuh hna ah i thlen na hau a bik in dawr kan luh tti cun naa cah ti lo hau: Kan hngakchiat lio na ka theih ter cu awh.''

Cu si cun'' Zei dah kaa thlen ah that hnga?"

''Nangmah duh ta nangmah paw lut ding si cu''

''Umm . .si bak na hmaan Ram.''

          Cakuat bi te pakhat

''Ram thaizing naa manh hnga maw?Tawn lo nak hna sau i tam nawn ten na caan na ka pe kho hnga maw? Kan rak  tthut tti tawn nak Kauhkui(golf-course) ah kal tthan sih law ka duh ko.''

''Aww manh ee. Kei zg kal ka duh tuk ve e"

         Kauhkui

"Ram, boih na la cang i hmailei ca kar hlan nak hna timhtuah nak naa ngeih chung cg maw?"

"Aww ka ngei ko. Sianginn ca chimh (teacher) hna ka sok ve hnga maw tiah.Ca chimh hi ka huam phun si i a bik in hngakchia he tlonlen tti khi ka duh tuk.''

   Cu tin hmai lei kong ca nuam tak in bia phong kan deng.

"Ram, bia pakhat chimh ding kan ngei."(A lau ngai )

"Thang, zei hme bia pakhat ti cu nang le kei kar ah cu ti chim hauh tung lo.Zei paoh aa chim dih i aa hngal dih peng mi pei kan si ko cu."

         Ram, nang nih cun ka chim dih hmanh law kei nih cun tu kan chimh ding mi bia hi na sin i ka chim bal lo mi le a ho leng sin hmanh ah ka chim bal rih lo mi si. Kum sau pi Ro sung bang kan rak ven peng mi na rak si.

''Aw si bak ti Ram .Vei . . .(Ka van ti vial ah Cungcung nih phone a van chonh) 

''Hello Cung ''

''Hello Ram. Kan tthut tawnnak dawr ah kan hngak hi muh"

"Elaw ka ra la"

"Thang, Cung nih dawr ah kan hngah ti i kal in Rawl ei tti hna sih."

       Kalay-Yangon

"Thang,Kaa lawmtuk muh. Dam ten i thawh law na phak in thawng ka thanh te muh."

"Elaw Ram. Kaa lawmtuk ve."

          Yangon

"Ram,ka phan cg."

"Aww tthatuk sicun ka hna ngam."

      Zaan ttim 

"Ram, na it rih lo maw?"

"Aw si kaa hngilh kho deuh lo i hi"

"Ram, bia pakhat chimh ding kan ngei kan ti mi kha"

"Aww si mah kha na ka chim manh tak lo "

"Vei. .Ram kan hmet ten sianginn kan rak kai tti lio khan kan rak dawt tuk. Ka hawittha zong na rak si i tu ah cun kha kan dawt nak kha ser khawh lo mi , thinlung in a ra mi ngaknu tlangval kar i duhnak le dawtnak ah a tthanglian.Ka duhdawt tuk Ram.A rem na ti cun Nupi ca ding tiang in a thli ten kan rak ham cang mi na si.Kan duhdawt nak cu ka ruah piak ve law ka duh ko e Ram"

"Thang, na ka duhdawt mi cungah kaa lawmtuk ko. A si naan a poi tuk ee. Na theih bang Cung he kan i zulh nak kumnga hrawng si cang.Tthit umh nak zong tlawmpal cun tuah ding in saduh kan rak thah cang.Nang cu ka hawittha na rak si i tuzaan in hmai lei caan zong zaangfah ten  hawittha dirhmun in ka um piak peng rih ko mu. Nang cu a fel tuk mi na si. Kei mah nak mi ttha naa kawl la awh."

           Maw lungfah tuanten ka rak phuan hnga    lo.Kei mah lawng in ot mi duhdawt nak cu ka thinlung lai fang ah kaa fim zungzal cang lai maw??

          Thlahnih hnu ah

''To Thangthang'' tiah  thitumh sawmnak catlap bi te thlizir nih inn khar in a  chung lei ah  a hung choih ve.

                                    5 May 2020(Nihnih ni)

                                5:26 PM