Ka philh khawh lomi caan

Tuthla (september) cu furpi a si bang ,zingkaa tein ruahpi a rak sur, ruah sur lio ih cu mit kuh athaw ngai, ruah lo piin ka phone message luh thawng nih a ka thangh ,ka lungthli in ziah ka phone silent ka chiah tawn mi tuzing theng cu ka chiah hnga lo ,MPT cakuat si hoi ko lai tiah ka zai pah khin ka ph ka chiah nak ca buai lei cu ka vei benh,ka mit cu ka vun i hnuai ka vun zoh cu MPT si lo in ka thei bal lo mi ph no.sin in si .

"Good morning ,na tho tha maw?"ti mi cakuat si. Cakuat cu leh lo in nazi ka vun zoh cu cakei.... 8:30 AM si cg, a ran nak in ka ih nak cun ka tho , ka thil ka tim, sianginn kai hnu ei ding ka si caah rawl ei lo in kan sianginn(hakha college,tu cu university si cang) panh in kaa thawh, kan sianginn a hlat caah 9:10 AM ah ka phan. Symah Bawi Ching(caan) si caah kan khan pawl zong ho hmanh bau lo tein an rak phan dih cg hna. Khan chung ka vun luh cu kan khan pawl nih na rak kai kho le kan i lawm tuk ti phun khin an ka zoh dih. Zei poilo phun in ka thut nak lei panh in ka kal, cauk ka vun chuah ah khin message rak luh than

Aceeeee!....silent tuah ka philh hoi cuh, tiah ka phone cu ka vun zoh pah,

"Tuni na thil hruk, na rem tuk"

" Ca cawn nuam " ti mi short message, tu zingka Ph No. thiam thiam in cakuat cu ka let duh thiam thiam lo nain ka lung chung ah ho dah si hnga ti mi biahal nak cu a ra thiam ko.

Chun chuak a si caah Kanteen rawleinak lei panh in ka hawinu he kan kal, kei zingkaa rawl ka ei manh loh ii ထမင်း​​​​​ကြော် ka cah ,ka hawinu Mameeချဥ်စပ်a cah ve. Kan Kanteen cu wifi line that caah video down duh ah canteen thut hi kan uar ngai, ka phone cu ka zal chung cun ka vun chuah ka vun zoh ii 11:17 AM ah message a rak luh cg mi kha ka hmuh,

"chun nan chuak cang maw?"

" zingkaa ah hin rawl ei ta peng, pawfah na ngei lai?" avoi atam pah cang caah reply(leh) ka tuah colh ve,

"Ho dah na si?" tiin ka leh

"keimah ma? minung ta ka si ko "

"Aww ee , saram ah pei kan rel cu sorry muh "tiah serh lei in ka leh ve.

" Haahaha.....na thin hunah pei nai dawh a zual hi, thin hun ter peng na hau "

"Ngeh,ka thin hun lio a ka hmu bal mi na lo "

" kan hmuh peng ko si,na pawng te ah ka um peng na ka thei lo ii si"

" Aww ee si ma?Btw na min na ka chim rih lo"

" ka min cu theih na duh tak ma eih?"

" ka duh than lo um ko seh, zeidah ka tuah nak lai"

"Hmmmmm....ka min cu...... si, U...... tiah na ka auh khawh, chimh law law ahcun ka fb acc ......si lai, kan add nak zarhkhat si cang na ka confirm bal lo "

"Aww ee kaa lawm ,U .... na si cun kum 30 leng ma na si cang (or) a thi deng cang mi ,sorry muh kan rak confirm lai "

"Hahaha.....na bia pawl cu a ka ciah bak, tlangval hmanh ah tong lo ka si hi,ka kum cu.....si"

"Aw ee kaa lawm, na siang lo tukmi na kum na ka chimh le "

"kai lawm deuh "kan cah mi a rak kan pek cang caah a cakuat cu leh ti lo in ka ngol. Ka hawinu nih ho ko hme na chawnh na ph na zoh fa te na ni peng ko tiah a ka cak pah tawn, mah ti cun chunni ka tla manh zong ka thei manh ti lo. Mah ti cun kan i chawnh nak thlakhat tling manh.

"Tuni,zei na tuah lai?"

" ka umsawh ko lai,nangtah??"

"chunhlan ka um lai, chun hnu kai din lai"

"Aw ee,na fel tuk" tiah bia neng in ka hei leh ve.

" kei tham "

"....., kan dawt tuk, na ka daw ve maw? Kan i chawnh nak zg thlakhat hrawng si cang ii ka lungthin cu na theih dih cang ko lai tiah ka zumh, na lungthin kan hal lo hih " ka rak ruah cia mi biahal nak a si ko nan ka thin a thar in a tur than ,nu pakhat ka si nak ah ka uah nak tampi um ko lai nan mah zawn cun ka uah kho bak lo, kan dawt ve ko tiah a phi rak pek hi tleirawl kan rak si kaa cun a rak fawi lo, sau nawn ka ruah hnu ah,

"Aa U, na biahal nak hi keimah ca cun a fawi lo mi biahal nak si, hmaitonh tein leh kan duh fawn, thaizing ah i tong kho uhsihlaw ka duh"

"Okii kei zong nih hmai tonh tein ka let seh ti ka duh ve mi si, thaizing 6:30 PM hakha Town Coffee ah si seh mu "

" Okii "zan zong i hngilh kho lo in khua ka ruat, a ruang cu ka hmuh bal lomi, zeiban tuk minung dah si (or) mitha maw mitha lo dah si ti hngal lo bak in cakuat nak lawng in ka rak uar lawng si lo in ka rak duh beh cg ,cakei........

Ring...ring..

Hello,........

" Ka phan cang, na rak phan deng maw?"

"Aww ka phan deng cang"

"Okii, ka rak in hngak lai mu"

" Elaw, kan thei lo sual cun nangmah nih ka chawn hmasa te "

Hakha Town Coffee luh lai cu ka ngeih pah ka tih pah, ka thin tur tukah ka kal dan zong hman ti lo. Zei si zong ah nusal tiah kam seh in ka vun luh,

" ........, ka hin tiah " a kut a rak thlir, a mit hmai zoh ah dawt nak taktak ka hmuh khawh, ka ruah ning nakin a rak i dawh deuh ngai ngai. A nem tukmi a kut in ka kut a vun ka tlaih,

Zeitin nizan kan chim mi cu tiah ,a rak ka hal" kei zong nih" ka vun ti vial ah khin😱

Aadawt tho cang hme, zan nazi 10 si cg la hi tiah ,ka pi nih a rak ka thangh, ka mit cu ka vun i hnuai le cabuai cung ah ca ka zoh nak le coffee din ding ka tuah mi cu ka vun hmuh hna,

Azeeeee....ca nih pei a ka hlim hoi ko hi, ပုဒ်khat hmanh thiam manh loin ma ka it hoi ko. 

# kapi nih rak ka thang hlah sehlaw RS ka si ve cang ko hnga                                                                                   #Crd : Van Dawt Vel SungHk