Si ka duh

Keimah cu a thawngmi le dawtnak a ngeimi "Nu"si ka duh.Rumra a ngeimi nu zong si ka duh lo. A der daimi nu zong si ka duh lo. A thawng i dawtnak thinlung thazang a ngeimi lawng si hi ka duh.

Ka dawtmi chungkhar/ ka dawt dingmi kanpa le a si te lai dingmi chungkhar tha/ poipang ton sual, harsat caan, zawtfah caan ah, nuamh caan ah thazang in le dawtnak thinlung he bawmh chan tu le chawva phaisa lei zong in a dirkhamh kho tu chungkhar caah nu tha bik si ka duh.

Rumra ngeih le thawng ngaimi nakin a dai i thinlung thiammi "Nu"si ka duh deuh. Kan duh kan dawtmi minung an thinlung bat caan le an lungretheih caan ah thazang ape kho tu ding "Nu" si ka duh.

Kei mah cu a ho poh khi ka duh hna lo. Mah ruangah ka cungah a hohmanh nih vel an rak ngei ve lo. A ka thei thiam mi pa sinah cun kan duh maw timi nak in kan duh tuk ti mi lawng khi chim kai timh zungzal mi si. A ho pa poh khi ka duh dih hna ti nak cu a si lo i a fiangmi a si.

A ka duh mi minung nih an ka kal tak ko zongah mit hmaipanh tein a rak um kho ding nu vialte lakah "Nu" si hi ka duh bik.

A rawk ciami thil sining kongah le ai thleng lengmang mi nikhua hna karlak zongah ka thinlung ai dang lo ding hi kai timhmi a si. Ka dawtmi hna caah hin "Nu" tha bik le ka dawtmi hna caah a thawmi rawl le meh phun phun chumh piak ka duh  hna. Ka dawtmi hna caah a tha mi laksawng le a thiangmi dawtnak hrawmh ka duh rih hna.

Cu caah nu tha si ka duh.

Khuasik caan ah ka dawtmi ka pasal caah le a si te lai dingmi kan chungkhar caah a thami hruk eih puan tahpiak le cawkpiak ka duh hna. Mah le kut kee tein a dir ve i a si khawh chungin dawtmi hawikom chungkhar cingla rualchan hna caah dawtu si hi ka duh.

Cu ruangah kei i si ka duhmi cu a thawng i dawtnak a ngeimi "Nu" tha hi si ka duh.

Crd: @#P