Ka nau

Kanau

Na kalnak dinglam a tu lawng na thok si rih, i dinh hna na duh maw? i din ko, zeihmanh a poinak um lo. Asinain na thabat dam cang si ahcun tho law na hmuihtinh lei ah fak deuh in na kar hlang.

Kanau

Hmailei na nunnak ding caah atu lawng nai thok asi rih. Cu na kalnak ding lamthluan ah nuamhseih nak le duhnak kha cawh sual hlah mu. Na cawh sual si ahcun na thaizing cu muihnak nih duhsah tein a khuh ziahmah lai. 

Kanau 

Vawlei ahhin na theih rih lomi le na ngeih rih lomi thil tamtuk an um. Thil zeizong te hi thei dihlaw ngei dih kan tinak silo,  "na ngeih mi le na theih mi ahkhan i lungsak hlah". Hi nak in theihchin rih rak i zuam mu. 

Kanau

Caantha, caanrem na ngeih ahcun  i ruat lem hlah, na duh mi kha tuah khawh i zuam ko. Tih a nungmi zuamcawhnak he nan i ton ahcun raltha tein pah ko.  Na caah sunghnak an si hmanh ah cawnnak ah nai laak khawh.

Kanau

Na ngakchia lio na hawikom pawl he nan i hmuhton tikah,  an mah nunning phun kha a uar mi va si hlah.  Nangmah le na nunnak ca hmanh ah dawh tein ai tuah kho rih lomi na si.  Cucaah an nunning le ziaza kha i cawn hlah.  

Kanau

Vawleipi hi khuate pakhat bantuk asi cang, cucaah  chunglei in thancho a hau. Na phak rih lonak hmunthar pakhat nih na thinlung an hnoter khawh bantuk in na nunnak zong an thlenkhawh. Cucaah ralring tein  nithar pawl sinah nun i zuam.

Kanau

Si na duh mi siloah phak na duh mi thil asi khawh lo tikah lungder in um hlah.  A biapi micu "zeidah ka herh" timi hi ruat than rih ko.  

Kanau

Zeithil na tuah paoh ah i ruat cukmak bu tein tuah. A thlum mi paoh ei i tim hlah,  a kha mi paoh chak i tim fawn hlah.  Zei paoh ah biathlehnak fakpi na tuah hnu lawngah, dolh law cha.  

Kanau 

Rian tuan paoh hi  rumnak ah  ruat hlah. Mi pakhat cu hreitlung bantuk asi. Chun nitlak thingkung a hau ko nain rian a dih kho lo.  A hmasa ah a biapi mi cu thinghaunak ding ah hreitlung rak taat hmasa kha asi.  

Kanau

Hawikom tampi ngeih cu a tha ko,asinain a mah ca lawng ai ruat i pawngkam hawikom ca a ruat lomi hawikom cu va ngei duh hlah.  

Kanau

Thaizing tuan ding mi rian kongah,  zing Sml zeizat in dah ka thok lai i, zeitik caan ah dah ka dih lai timi kha i tuak cia.  Nai timh mi cungah ningcang tein thokkhawh peng i zuam.  

Kanau

Na caah a miakding mithil na ruah a herh bantuk in,  a miak asi dingmi thil zong kherhhlai nak tuah.

Fidi : Dy

Crd"##Dd