တက္ကသိုလ်ဝင်တန်း မအောင်တဲ့
မိန်းကလေးတစ်ယောက်က တောရွာတစ်ရွာမှာ
ဆရာမသွားလုပ်ခဲ့တယ်။ ကျောင်းသားတွေကို
နားလည်အောင် စာရှင်းမပြတတ်တော့
အလုပ်ထုတ်ခံလိုက်ရတယ်။
ပါးပြင်ပေါ် ကျလာတဲ့ မျက်ရည်တွေကို
အမေကပွတ်သပ်ပေးရင်း
“သမီးနဲ့ သင့်တော်တဲ့
အလုပ်တစ်ခုတော့ ရှိမှာပါ” လို့
သူ့ကို နှစ်သိမ့်ခဲ့တယ်။
အဲဒီနောက် သူငယ်ချင်းတွေနဲ့ မြို့ ပေါ်တက်ပြီး
အလုပ်သွားလုပ်ခဲ့တယ်။
မကြာဘူး.. အကျီ င်္စညှပ်ရာမှာ နှေးကွေးလွန်းတယ်
ဆိုပြီးအလုပ်ထုတ်ခံလိုက်ရပြန်တယ်။
“မကျွမ်းကျင်သေးတဲ့ အလုပ်မှာ စစချင်း
နှေးကွေးတာ ဘာမှမဖြစ်ဘူး။ သမီးက ဘာမှ
မလုပ်ဖူးဘဲ ကျောင်းပဲတက်ခဲ့လို့ဖြစ်လိမ့်မယ်” လို့
အမေက သူ့ကို နှစ်သိမ့်ပြန်တယ်။
အလုပ်ပေါင်းစုံ သူလုပ်ခဲ့တယ်။ အလုပ်တိုင်း
တစ်ဝက်တစ်ပျက်နဲ့ထုတ်ခံလိုက်ရတာချည်းပဲ။
စိတ်ပျက်အားငယ်ပြီး အိမ်ပြန်လာတဲ့ သူ့ကို အမေက
အပြစ်မတင်ဘဲ အမြဲနှစ်သိမ့် အားပေးခဲ့တယ်။
သူအသက် ၃ဝမှာ တတ်ထားတဲ့ ပညာလေးနဲ့
ဆွံအ နားမကြားကျောင်းမှာဝင်လုပ်ခဲ့တယ်။
အဲဒီနောက် မသန်မစွမ်း ကလေးတွေအတွက်
ကျောင်းတစ်ကျောင်း ဖွင့်နိုင်ခဲ့တယ်။ နောက်ထပ်
မသန်မစွမ်းသူတွေ သုံးစွဲနိုင်တဲ့ပစ္စည်းတွေကို
ဖြန့်ဝေခဲ့တယ်။ အခုဆိုရင် သူဟာ အောင်မြင်တဲ့
သူဌေးတစ်ဦး ဖြစ်ခဲ့ပါပြီ။
တစ်နေ့မှာ အောင်မြင်တဲ့ သမီးတစ်ဦးက
အိုမင်းနေတဲ့ အမေရှေ့မှာ ထိုင်ပြီး
နှစ်ရှည်လကြာ သူသိချင်ခဲ့တဲ့ မေးခွန်းတစ်ခုရဲ့
အဖြေကို မေးခဲ့တယ်။
အဲတာက
" သူကျ ရှုံးနေတဲ့အချိန်၊
အနာဂတ်တွေ မဲမှောင်နေတဲ့အချိန်၊ ရှေ့ဆက်ဖို့
လမ်းတွေ ပျောက်နေတဲ့အချိန်မှာ အမေက
ဘာအကြောင်းကြောင့် သူ့အပေါ်
ယုံကြည်မှုတွေ ရှိနေသေးသလဲ"ဆိုတာဖြစ်တယ်။
အမေရဲ့ အဖြေက ရိုးရိုးလေးပါ။
အမေက ပြောတယ်..
” မြေတစ်ကွက်မှာဂျုံစိုက်လို့ မဖြစ်ထွန်းရင်၊
ပဲပြောင်းစိုက်ကြည့်ပါ။ ပဲစိုက်လို့လဲ
မဖြစ်ထွန်းရင် နေကြာ စိုက်ကြည့်ပါ။ နေကြာစိုက်လို့လဲ အဆံတွေ မပြည့်ခဲ့ရင်
တစ်ခြားအပင် ပြောင်းစိုက်ကြည့်ပါ။
ပန်းပွင့်မှာတော့ သေချာတယ်။
မြေတစ်ကွက်အတွက် သင့်တော်တဲ့
ပျိုးပင်တစ်ပင်တော့ ရှိပါတယ်။ နောက်ဆုံးမှာ
အောင်အောင်မြင်မြင်နဲ့ ရိတ်သိမ်းနိုင်ပါလိမ့်မယ်”
အမေ့ရဲ့ စကားကိုကြားတော့ သူငိုမိတယ်။
မိခင်ရဲ့ မေတ္တာ၊ ယုံကြည်မှုနဲ့
အားပေးမှုတွေက မျိုးမသန်တဲ့ ပျိုးတစ်ပင်ကိုတောင် အညှောင့်ပေါက်စေကြောင်း
သူနားလည်လိုက်တယ်။
မြေတစ်ကွက်အတွက် သင့်တော်တဲ့
ပျိုးတစ်ပင်တော့ ရှိပါတယ်။
ပူပြင်းခြောက်သွေ့တဲ့ သဲကန္တာရမှာ
ရှားစောင်းပင်တွေတောင် လှပတဲ့အပွင့်နဲ့
ရှင်သန်ပေါက်ရောက် နိုင်သေးတယ်။
ဘယ်နေရာ၊ ဘယ်ဒေသပဲ ရောက်ရောက်
ကိုယ်နဲ့သင့်တော်တဲ့ နေရာတစ်ခုတော့ ရှိပါတယ်။
သင့်တော်တဲ့ နေရာမှာ
ကိုယ်တတ်စွမ်းသလောက် လှပတဲ့ အပွင့်တွေကို
ဖူးပွင့်ကြရအောင်။
နိုင်းနိုင်းစနေ
မူရင်းစာရေးသူအား.credit ပေးပါသည်
ပြန်လည်မျှဝေပေးခြင်း
စာပေဖတ်ရှုသူများအားအစဉ်လေးစားလျှက်
ပံု-my book
Comments
Post a Comment